Alimlər xəbərdarlıq edirlər ki, yaxın gələcəkdə Yer planeti üçün görünməmiş iqlim anomaliyaları gözlənilir.
Eqazet.online Publika.az-a istinadən bildirir ki, mütəxəssislər ciddi şəkildə narahatdırlar, çünki vulkanlar aktivləşib, qlobal temperatur kifayət qədər yüksəlib. Bundan əlavə, alimlər artıq atmosferdə bir çox anomal hadisələri qeydə alıblar. Mütəxəssislər qeyd edirlər ki, Yerin oxunda yerdəyişmə var və bu, planetimizin nüvəsinin mövqeyinin dəyişməsinə gətirib çıxarır.
Dünya Okeanının təbii funksiyasını itirməyə başlaması və qlobal fəlakətə səbəb ola biləcəyi xüsusilə narahatedicidir. Önümüzdəki illər xüsusilə təhlükəli olacaq. Mövcud vəziyyətdən çıxış yolu kimi alimlər fəlakətin qarşısını almağı qlobal elmi potensialın birləşməsində görürlər. Mütəxəssislər onu da qeyd edirlər ki, planetimiz canlı orqanizm kimi hələ də özünü bərpa etmək potensialına malikdir və planet səviyyəsində fəlakətin qarşısını almaq olar.
