Eqazet.online xəbər verir ki, Türkiyənin məşhur pilotsuz uçuş aparatı (PUA) istehsalçısı Baykar və İtaliyanın müdafiə və aviasiya şirkəti Leonardo döyüş meydanı sensor texnologiyaları sahəsində əməkdaşlıq imkanlarını araşdırır. Bu tərəfdaşlıq sayəsində döyüş meydanında real vaxt rejimində məlumat toplanması və işlənməsi imkanlarının genişləndirilməsi nəzərdə tutulur.
Hər iki şirkət müasir texnologiyalara əsaslanan sistemlər vasitəsilə hərbi sahədə innovativ həllər təqdim etməyə çalışır. Leonardo-nun qabaqcıl radar və elektro-optik sensorları ilə Baykar-ın yüksək manevr qabiliyyətinə malik PUA-ları birlikdə daha səmərəli kəşfiyyat, müşahidə və döyüş dəstəyi təmin edə bilər.
Bu cür əməkdaşlıq, xüsusən də, Azərbaycanın hərbi sənayesində tətbiq edilə biləcək qabaqcıl texnologiyaların inkişafı və regional təhlükəsizliyin gücləndirilməsi baxımından maraq doğurur.
