Eqazet.online xarici KİV-ə istinadən xəbər verir ki, Dünya orduları texnologiyanın imkanlarından maksimum istifadə etməyə çalışır və süni intellekt (SI) bu prosesdə əsas rola malikdir. İsrailin “Iron Dome” (Dəmir Günbəz) hava müdafiə sisteminin təkmilləşdirilmiş versiyası olan “Golden Dome” (Qızıl Günbəz) üçün süni intellekt əsaslı yeni sistemlər üzərində iş aparılır.
Məqsəd, gələcəkdə hava hücumlarına qarşı daha sürətli və effektiv müdafiə mexanizmi yaratmaqdır. SI texnologiyası raket, pilotsuz uçuş aparatları və digər hava hücumlarını daha dəqiq analiz edərək, daha optimal müdafiə qərarları verə biləcək.
Ekspertlərin fikrincə, süni intellektin inteqrasiyası hava hücumlarına qarşı cavab müddətini azaldacaq və səhv müdafiə ehtimallarını minimuma endirəcək. Bu isə sistemin ümumi effektivliyini artıracaq və mülki əhalinin daha yaxşı qorunmasını təmin edəcək.
Hazırda tədqiqat və inkişaf mərhələsində olan bu texnologiya yaxın gələcəkdə ordu arsenalında əsas silahlardan birinə çevrilə bilər.
