Eqazet.online xarici KİV-ə istinadən xəbər verir ki, Dünyaca məşhur İsveçrə farmasevtika şirkəti Roche, piylənməyə qarşı hazırlanmış yeni dərman namizədini əldə etmək üçün Zealand Pharma ilə razılığa gəlib. Müqavilənin ümumi dəyəri 5,3 milyard dollara qədər çata bilər. Bu addım, Roche-un piylənmə və maddələr mübadiləsi xəstəlikləri sahəsindəki bazar payını genişləndirmək istiqamətində mühüm strateji addım hesab olunur.
Zealand Pharma tərəfindən inkişaf etdirilən dərman, piylənmə ilə mübarizədə innovativ həllərdən biri kimi dəyərləndirilir. Roche, bu dərmanı kommersiyalaşdıraraq qlobal bazara çıxarmağı və piylənmə problemi ilə mübarizədə yeni imkanlar yaratmağı planlaşdırır. Ekspertlər hesab edir ki, bu anlaşma piylənməyə qarşı dərman bazarında rəqabəti daha da artıracaq və yeni müalicə metodlarının inkişafına təkan verəcək.
