Suriyanın yeni prezidenti bazar günü Səudiyyə Ərəbistanına səfər edəcək. Bu, Bəşər Əsədin hakimiyyətdən devrilməsindən sonra onun ilk xarici səfəri olacaq.
Səfər çərçivəsində Suriyanın yeni rəhbərliyi ilə Səudiyyə Ərəbistanı arasında diplomatik münasibətlərin bərpası, regional təhlükəsizlik və əməkdaşlıq məsələlərinin müzakirə olunacağı gözlənilir.
Ekspertlər hesab edirlər ki, bu səfər Suriyanın beynəlxalq arenada yeni hökumətinin tanınması istiqamətində mühüm addım ola bilər. Prezidentin digər ərəb ölkələrinə də səfər etməsi planlaşdırılır.
