“Meta Platforms”un həmtəsisçisi Mark Zukerberq ABŞ Prezidenti Donald Trampla daha sıx əlaqə qurmaq məqsədilə Vaşinqtonda əmlak almaq imkanlarını araşdırır.
Eqazet.online Oxu.Az-a istinadən xəbər verir ki, bu barədə “Financial Times” nəşri məlumat yayıb.
Nəşrin mənbələri bildirir ki, Zukerberq süni intellekt kimi sahələrdə biznesinə aid tənzimləmələrə təsir göstərməyə çalışır. Məlumata görə, artıq potensial uyğun əmlak tapılıb.
Əgər Zukerberq həmin əmlakı alarsa, Ağ Evə yaxın yaşamaq üçün daşınmaz əmlak axtaran Silikon Vadisindən olan digər sahibkarlara qoşulacaq.
