Eqazet.online xarici KİV-ə istinadən xəbər verir ki, Şimali Makedoniyanın paytaxtı Skopyedə yerləşən məşhur Nocturne gecə klubunda baş verən güclü yanğın faciəyə səbəb olub. Hadisə nəticəsində 51 nəfər həlak olub, onlarla insan isə ağır yanıq və tüstü zəhərlənməsi diaqnozu ilə xəstəxanaya yerləşdirilib.
Şahidlərin sözlərinə görə, yanğın gecə saatlarında klubda izdihamlı bir əyləncə zamanı başlayıb. Alov qısa müddətdə bütün məkanı bürüyərək, çıxış yollarını bağlayıb və insanların xilas olmasını çətinləşdirib.
Rəsmi qurumlar yanğının səbəblərini araşdırır. İlkin versiyaya görə, fəlakət elektrik nasazlığı və ya pirotexniki effektlər səbəbindən baş verə bilər.
Şimali Makedoniya hökuməti faciə ilə əlaqədar matəm elan edib və ölənlərin ailələrinə başsağlığı verib. Hadisə yerində xilasedicilər və yanğınsöndürənlər axtarış-xilasetmə işlərini davam etdirirlər.
