Eqazet.online xəbər verir ki, Hewlett Packard Enterprise (HPE) şirkəti, Rusiya hökuməti ilə əlaqəli xakerlərin təşkil etdiyi kiberhücum nəticəsində məlumat sızması ilə üzləşib və zərərçəkmiş şəxslərə xəbərdarlıq etməyə başlayıb.
Şirkətin verdiyi məlumata görə, hücum nəticəsində bəzi müştəri və əməkdaşların məlumatları ələ keçirilib. Hadisə ilə bağlı araşdırma aparılır və təhlükəsizlik tədbirləri gücləndirilib.
HPE rəsmiləri zərərçəkmiş şəxslərə kibertəhlükəsizlik qaydalarına ciddi əməl etməyi tövsiyə edərək, potensial risklərdən qorunmaq üçün əlavə tədbirlər görməyə çağırıb.
Son illərdə Rusiya mənşəli haker qruplarının qlobal miqyasda dövlət və özəl sektorlara qarşı kiberhücumları artıb. Ekspertlər bu tip hücumların gələcəkdə daha da çoxalacağını istisna etmirlər.
