Eqazet.online xəbər verir ki, Kanada hökuməti ABŞ-da Donald Trampın mümkün qayıdışı fonunda Avropa İttifaqı (Aİ) ilə ticarət əlaqələrini gücləndirmək üçün addımlar atır. Rəsmi Ottava, ABŞ-ın potensial gömrük tariflərindən sığortalanmaq və qlobal bazarlarda mövqeyini qorumaq məqsədilə Aİ ilə iqtisadi tərəfdaşlığı dərinləşdirmək istəyir.
Kanada və Aİ arasında artıq Hərtərəfli İqtisadi və Ticarət Sazişi (CETA) qüvvədədir, lakin rəsmi dairələr bu əməkdaşlığın daha da genişləndirilməsinin vacib olduğunu vurğulayır. Xüsusilə, Kanada avtomobil, enerji və kənd təsərrüfatı məhsulları kimi sahələrdə Aİ bazarında daha güclü mövqeyə sahib olmaq istəyir.
Ekspertlər hesab edirlər ki, Donald Tramp yenidən ABŞ prezidenti seçilərsə, o, Kanada və digər ticarət tərəfdaşlarına yeni tariflər tətbiq edə bilər. Bu isə Kanadanın iqtisadiyyatına mənfi təsir edə və ölkəni alternativ bazarlara yönəlməyə məcbur edə bilər.
Hazırda Kanada və Aİ rəsmiləri arasında müzakirələr davam edir. Gözlənilir ki, yaxın aylarda yeni ticarət razılaşmaları və investisiya təşviqləri barədə daha konkret addımlar atılacaq./reuters
