Eqazet.online xəbər verir ki, Şimali Koreya ilə əlaqəli olan “Lazarus” adlı haker qrupu, “Phantom Circuit” adlandırılan genişmiqyaslı kiberhücum kampaniyası həyata keçirərək, yüzlərlə sistemi sındırıb və məxfi məlumatları oğurlayıb. Onlar açıq mənbəli proqram təminatını klonlayaraq, zərərli kodlar əlavə edib və bu tətbiqləri “GitLab” kimi platformalar vasitəsilə yayıblar. Bu hücumlar nəticəsində qurbanların giriş məlumatları, autentifikasiya tokenləri, parolları və digər məxfi informasiyaları oğurlanıb.

“Kaspersky” mütəxəssisləri isə “WhatsApp” üçün “Android” cihazlarında əvvəllər məlum olmayan “CanesSpy” adlı casus troyan daşıyıcısı olan mod aşkar ediblər. Bu mod, əsasən ərəb və azərbaycan dillərində olan “Telegram” kanallarında yayılıb. Oktyabrın 5-dən 31-dək bu casus troyandan istifadə edilərək təşkil edilən 340 mindən çox hücumun qarşısı alınıb və onların demək olar ki, yarısı Azərbaycandakı istifadəçilərin payına düşüb.

Tövsiyələr:

• Tətbiqləri yalnız rəsmi mağazalardan yükləyin ki, zərərli proqramla qarşılaşma riskini azaldasınız.
• Üçüncü tərəf mənbəsindən tətbiq quraşdırmaq istəyirsinizsə, təhlükəsizlik həllindən istifadə edərək onu zərərli kod təhlükəsinə qarşı yoxlayın.
• Platformanın populyarlığının onun təhlükəsizliyinə zəmanət vermədiyini yadda saxlayın.
• “Android üçün Kaspersky” kimi mobil cihazlar üçün etibarlı təhlükəsizlik həllindən istifadə edin.

Bu cür kiberhücumlar göstərir ki, istifadəçilər tətbiqləri yükləyərkən diqqətli olmalı və yalnız etibarlı mənbələrdən proqram təminatını əldə etməlidirlər.